शुभकामना

कहलखिनहें
नबका सरकार
भ्रष्टाचार सँ
मुक्त हएत प्रदेश
बड्ड सुन्दर बिचार
बड्ड दीब सन्देश..

यौ सरकार
कने बिचारू
बूझू लोकाचार
जतय मुफ्तखोरी सँ
बनै छै
बिगड़ै छै, आ
बदलै छै बिचार
ततय सँ कोना जेतै
सबल भ्रष्टाचारक
शाश्वत शिष्टाचार
कोना डोलतै
जड़ि जमओने
पारंपरिक दुराचार..

तैयो
लागल रहू
करैत रहू
अनुपम प्रयास
किए छोड़ी आस?

देखी सब मिलि
की करैत अछि, आ
की की करबैत अछि
मङनीतंत्रक
उत्तेजित अवधारणा
सुफलित हुअय
अहाँक
सकल मनोकामना!

हैदराबाद
१४/०२/२०१५